لاہور (این این آئی) پٹرولیم مصنوعات کی قیمتوں میں کمی کے بعد سی این جی کی قیمت میں نو روپے کی کمی کر دی گئی ۔سنٹرل چیئرمین آل پاکستان سی این جی ایسوسی ایشن غیاث پراچہ کے مطابق سی این جی کی قیمت میں بھی نو روپے فی لیٹر کی کمی کر دی گئی پنجاب اور اسلام آباد میں آر ایل این جی پر چلنے والے سی این جی اسٹیشنز پر سی این کی قیمت 9 روپے فی لٹر کم کر دی گئی نئی قیمت تقریبا 84.50 فی لٹر ہوگی ہے ۔فیصلہ ملکی کرائسز اور تیل کی قیمتوں میں عالمی کمی کے مد نظر
کیا گیا ہے آر ایل این جی کی قیمت برینٹ کی عالمی قیمت کے تین ماہ کی اوسط پر ہوتی ہے جس کا فرق ہمیں یکم اپریل کو ملنا تھا لیکن کرائسز میں اپنے صارفین کی پریشانی میں کمی کیلئے ہم نے یہ قدم اٹھایا ہے امید ہے کہ اگر حالات نے اجازت دی تو ہم یکم اپریل کو قیمتوں میں مزید کمی کریں گے ۔پنجاب، خیبر پختونخواہ اور سندھ میں بھی سی این جی قیمتوں میں کمی کی کوششیں جاری ہیں اور اس سلسلے میں حکومت سے بات چیت چل رہی ہیامید ہے کہ جلد عوام کو خوشخبری ملے گی۔
