اسلام آباد(مانیٹرنگ ڈیسک)کاروباری ہفتے کے پہلے روز پاکستان سٹاک ایکسچینج میں شدید مندی،نجی ٹی وی کے مطابق کورونا وائرس کے باعث گزشتہ ہفتے کے اختتام کی طرح نئے ہفتے کے آغاز پر بھی کاروبار میں مندی کا رحجان دیکھا جا رہا ہے اور
چند روز کے دوران چوتھی بار 100 انڈکس 45 منٹ کے لیے روکا گیا۔کاروبار کے دوران ایک موقع پر 100 انڈکس 2068 پوائنٹس کم ہو کر 33992 پر دیکھا گیا۔اوپن مارکیٹ میں ڈالر1 روپے 50 پیسے مہنگا ہو گیا اور کاروبار کے دوران ڈالر کی قیمت 158 روپے ہے۔
