اسلام آباد(مانیٹرنگ ڈیسک) روپے کی ڈالر کے مقابلے میں گرتی قیمت سے ان دنوں پاکستانی معیشت ڈانوا ڈول ہو رہی ہے اور ایک امریکی ڈالر اوپن مارکیٹ میں 125روپے تک پہنچ چکا ہے لیکن ایک امریکی ڈالر کتنے ایرانی ریال کا ہے؟یہ جان کر پاکستانی کرنسی رویپہ کو کوسنے والے پاکستانی حیران رہ جائینگے۔ عالمی خبر رساں ادارے کے مطابق ایران پر سالوں سے عائد معاشی پابندیوں کے باعث اس کے ریال کی قیمت اس قدر گر چکی ہے کہ اس وقت ایک ڈالر میں 87ہزار ایرانی ریال آ رہے ہیں۔

ایرانی ریال کی قدر میں کمی کی شرح اس وقت حیران کن حد تک بڑھ گئی جب امریکی صدرٹرمپ نے ایران کے ساتھ ہونے والا جوہری معاہدہ ختم کرنے کا اعلان کیا۔ ایرانی معیشت کی اس وقت حالت انتہائی ابتر ہو چکی ہے مقامی بینک مالی مشکلات میں گرفتار ہیںجبکہ ایرانی شہریوں میں ڈالر کی بڑھتی مقبولیت بھی ریال کی قدر میں کمی کی ایک بڑی وجہ ہے۔ ایرانی ریال کی قیمت اس قدر گر جانے کی وجہ سے ملک میں مہنگائی کا سیلاب آچکا ہے جس پر عوام کی طرف سے شدید احتجاج کیا جا رہا ہے۔

موضوعات:امریکی ڈالر ایرانی ریال