لاہور (ا ین این آئی) تاجر رہنما وانجمن تاجران لوہا مارکیٹ شہید گنج (لنڈا بازار)لاہورکے نائب صدرراجہ وسیم حسن نے کہا ہے کہ حکومت کی جانب سے سالانہ50لاکھ ڈالر تک کی اشیاء برآمد کرنے والے برآمدکنندگان کے لئے اسلامی بینکنگ کے ذریعے طویل المدتی قرضہ جات کی سہولت متعارف کروانے کے فیصلہ کو خوش آئند قرار دیتے ہوئے کہا ہے کہ برآمدات بڑھانے کیلئے طویل مدتی قرضوں کی فراہمی سے برآمدات میں اضافہ ہوگا ۔

ان خیالات کا اظہار انہوںنے شہید گنج کے تاجروں کے وفد سے گفتگو کرتے ہوئے کیا۔راجہ وسیم حسن نے کہا کہ اس فیصلہ کے مطابق ملک کے پانچ مکمل اسلامی اور اسلامک بینکنگ کی سہولت فراہم کرنے والے16بینکوں کی2581برانچوں کے ذریعے ہر قسم کی صنعت سے وابستہ برآمدکنندگان کو ن ئے پلانٹ اور مشینری لگانے کیلئے دس سال کے لئے ڈیڑھ ارب روپے تک کا قرضہ آسان شرائط پر فراہم کیا جائے گا ۔انہوںنے کہا کہ اس فیصلہ سے صنعتی شعبہ ترقی کرے اور ملک میں نئی صنعتوں کا قیام عمل میں آئے گا انہوںنے کہا کہ برآمدات بڑھانے کیلئے قرضوں کی ادائیگی کے ساتھ برآمد کنندگان کے ساتھ رکے ہوئے سیلز ٹیکس ریفنڈز بھی فوری ادا کیے جائیں تاکہ برآمدات کنندگان دلجمعی سے ملکی برآمدات میں اضافہ کیلئے خدمات سرانجام دے سکیں۔