نئی دہلی(این این آئی)بھارتی ریاست اتر پردیش کے فقیروں نے ’متفقہ ‘فیصلہ کیا ہے کہ اب وہ بھیک میں ایک روپے کا سکہ نہیں لیں گے،ادھر دکانداروں اور رکشہ ڈرائیوز نے بھی فقیروں کے ساتھ اظہار یکجہتی کرتے ہوئے کہا ہے کہ انہیں بھی ایک روپے کا سکہ لینا منظور نہیں۔بھارتی ٹی وی کے مطابق اتر پردیش کے شہر رام پور کے فقیروں نے اس کی وجہ یہ بتائی کہ آسمان سے باتیں کرتی مہنگائی کے اس دور میں ایک روپے اس کی کوئی اہمیت

نہیں رہی۔شکرا مانی فقیر نے کہا کہ وزیر اعظم نریندرمودی کی جانب سے اس بات کا اعلان کیا گیا ہے کہ جلد 500 اور 1000 کے نوٹ ختم کرکے اس کی جگہ سکے متعارف کرائے جائیں گے۔اس نے مزید کہا کہ جب 500 اور 1000 کے سکے آجائیں گے تو آپ خود اندازہ لگائیں کہ ایک روپے کے سکے کی کیا اہمیت ہوگی اور اس کا کیا سائز ہوگا؟دکانداروں اور رکشہ ڈرائیوز نے بھی فقیروں کے ساتھ اظہار یکجہتی کرتے ہوئے کہا کہ انہیں بھی ایک روپے کا سکہ لینا منظور نہیں۔