لاہور (مانیٹرنگ ڈیسک )پاکستان میں سرمایہ کاری کے معروف گروپ کے مالک میاں منشانے کہاہے کہ جنوبی کوریا کی کمپنی نشاط ملز لمیٹڈ کے اشتراک سے پاکستان میں ہائبرڈ اور الیکٹرک کاریں متعارف کرانا چاہتی ہے ۔ایک پاکستانی ویب سائیٹ سے گفتگوکرتے ہوئےنشاط گروپ کے مالک میاں منشانے کہا ہے کہ جنوبی کوریا کے کار ساز ابتدائی مرحلے میں چھوٹی کاروں کی تیاری چاہتے ہیں جو اس مارکیٹ میں پہلے سے موجود جاپانی کار سازوں کے ساتھ مل کرجلد مکمل کرلی جائے گی ۔میاں منشانے کہاکہ ہم بات چیت کے ذریعے ان کوقائل کررہے ہیں کہ پاکستان میں بھی ہائبرڈاورالیکڑانک کاریں بنائی جائیں ۔انہوں نے کہاکہ پاکستان میں مستقبل الیکٹرک کاروں میں ہے۔

میاں منشانے کہاکہ ہم اس شعبے میں ابتدائی طورپر10کروڑکی سرمایہ کاری کرنے کےلئے تیارہیں اوراس منصوبہ کےلئے فیصل آبادکے قریب زمین کی خریداری بھی کرلی گئی ہے ۔ادھرماہرین کاکہناہے کہ ہنڈائی اور کیا موٹرز نے 2000ءمیں دنیا اور پاکستان کو متاثر کرنے والی کسا دبازاری کے بعد پاکستان میں سرمایہ کاری کافیصلہ کیااوران کواس فیصلے پرفائدہ ہواکیونکہ پاکستان ایک زرعی ملک ہے اورزرعی ملک ہونے کی وجہ سے دنیاکے معاشی مسائل کے پاکستان پراثرات کم سے کم مرتب ہوتے ہیں کیونکہ زرعی معیشت ہرقسم کے معاشی مسائل جذب کرنے کی صلاحیت رکھتی ہے ماہرین نے کہاکہ پاکستانی عوام جلدہی ہنڈائی کمپنی کی تیارکردہ کاروں کوپاکستان کی سڑکوں پردیکھیں گے ۔