لاہور ( این این آئی) محکمہ ایکسائز نے رجسٹرڈ نہ ہونے کے باعث دولہے کی اپلائیڈ فار اور سجی سجائی گاڑی بھی روک لی ،بعد میں منت سماجت سے خلاصی ہوئی ،محکمہ ایکسائز کی جانب سے شہر بھر میں ٹوکن ٹیکس نادہندگان کے خلاف آپریشن،100سے زائد گاڑیاں بند ،سینکڑوں گاڑیاں کے چالان بھی کئے گئے ۔تفصیلات کے مطابق ٹھوکر بیاز بیگ پر ڈائریکٹر ایکسائز چوہدری محمد آصف کی نگر انی میں آپریشن ہوا جبکہ سگیاں پل پرای ٹی اواکرم شاد، اقبال روڈپرای ٹی اومحمد نعیم کی زیرنگرانی آپریشن کئے گئے۔والٹن روڈپرای ٹی اوراناقمرالحسن،لبرٹی چوک پرای ٹی اوملک اسلم نے آپریشن کی ۔
شہر بھر میں ہونے والے آپریشنز کے دوران 100سے زائد گاڑیاں بند جبکہ سیکڑوں گاڑیوں کے چالان بھی کئے گئے۔ آپریشن کے دوران محکمہ ایکسائز نے نمبر پلیٹ نہ ہونے کی بنیاد پر بارات والی سجی سجائی کار کو روک لیا ، گاڑی میں دولہا اور اس کے اہل خانہ موجود تھے جو دلہن کو بیاہنے جا رہے تھے ۔محکمہ ایسائزحکام کا کہنا تھا کہ گاڑی رجسٹر نہیں ہے اس لیے سڑک پر چلنے کی اجازت نہیں دے سکتے جس پر دولہے نے فریاد کی کہ آج میری بارات ہے آج چھوڑ دیا جائے ۔
تاہم شادی کے فوری بعد گاڑی کو رجسٹر کرا لوں گا ۔
دولہے کے یقین دلانے کے بعد محکمہ ایکسائز کے افسران نے دولہے کی گاڑی کو چھوڑ دیا ۔

موضوعات:دولہا محکمہ ایکسائز