لاہور/رائے ونڈ( این این آئی)مطلوبہ طلب کے مقابلے میں بجلی کی پیداوار کم رہنے کے باعث لوڈ شیڈنگ کا سلسلہ بدستور جاری ہے ، مختلف علاقوں میں غیر اعلانیہ لوڈ شیڈنگ بھی شروع کر دی گئی ، صنعتی شہر رائیونڈ میں میں دورانیہ 18گھنٹے تک پہنچ سے عوام کے معمولات زندگی بری طرح متاثر ہیں۔ ذرائع کے مطابق حالیہ دنوں میں بجلی کی طلب میں اضافہ ہونے کے باعث شارٹ فال بھی مزید بڑھ گیا ہے ۔ جسکے باعث مختلف علاقوں میں غیر اعلانیہ لوڈ شیڈنگ کا سلسلہ بھی جاری ہے۔ گزشتہ روز بھی مختلف شہری علاقوں میں 8سے 10جبکہ دیہی علاقوں میں 16سے 18گھنٹے لوڈ شیڈنگ ریکارڈ کی گئی ۔ رائیونڈ سے نامہ نگار کے مطابق گزشتہ تین روزسے بجلی چند گھنٹوں کی مہمان بنی ہوئی ہے۔ 16سے 18گھنٹے کی طویل لوڈ شیڈنگ نے عوام کی چیخیں نکلوا دی ہیں جبکہ پانی کی قلت بھی پیدا ہو گئی ہے جس سے عوام دوہری مشکلات سے دوچار ہیں۔

موضوعات:لوڈشیڈنگ