لاہور (نیوزڈیسک) موسم کی خرابی کے باعث اسلام آباد جانےوالی 5بین الاقوامی پروازوں کولاہورائیرپورٹ پراتار لیا گیا ۔ بتایا گیا ہے کہ اسلام آبادکے بےنظیر انٹرنیشنل ایئرپورٹ اور اس کے اطراف موسم خراب ہونے کی وجہ سے پانچ بین الاقوامی پروازوں کولاہوراتارلیاگیا ۔ ان میں پی آئی اے کی مانچسٹر سے اسلام آباد جانےوالی پرواز پی کے702 ،پی آئی اے کی برمنگھم سے اسلام آباد جانےوالی پروازپی کے792، پی آئی اے کی ٹوکیواور بیجنگ سے آنے والی پرواز پی کے858، ترکش ایئرلائنزکی استنبول سے براستہ باکو اسلام آباد جانےوالی پرواز740 اورکویت ایئرویزکی کویت سے اسلام آباد جانےوالی پرواز205 کولاہوراتارلیاگیاہے۔ پانچ پروازوں کی لاہورآمد کی وجہ سے لاہور ایئرپورٹ پررن وے کے اطراف طیاروں کو پارک کرنے کی جگہ کم پڑ گئی جس کے باعث مشکلات کا سامنا کرنا پڑا ۔