اسلام آباد(نیوز ڈیسک)وفاقی وزیر خزانہ اسحاق ڈارکاکہناہے کہ ملکی معاشی اعشاریےانتہائی حوصلہ افزاءہیں، زرمبادلہ کے ذخائر 21ارب ڈالر تک پہنچ چکے ہیں،2030ءتک پاکستان کا شمار 18 بڑی معاشی قوتوں میں ہوگا۔وفاقی وزیر خزانہ نےانکم ٹیکس ہاوس لاہور کے دورے کےموقع پرخطاب میں مزید کہا کہ بجٹ اہداف حاصل کرنے کےساتھ توانائی بحران پربھی قابو پالیں گے، آپریشن ضرب عضب کےدوران کئی اہم دہشت گردپکڑےگئے،موجودہ حکومت نے پچھلی حکومت کی طرح کشکول نہیں اٹھایابلکہ پچھلی حکومت کے قرضے بھی ادا کیے۔اسحاق ڈارنے کہاکہ ڈھائی سال کےدوران بجٹ خسارہ 8 فیصد سےکم کرکے 4 فیصد تک لےاآئیں گے، 2013ءمیں جب آئےتھےتو پاکستان ڈیفالٹ کرچکا تھا،حکومت نےدن رات محنت کرکے اسےپاوں پر کھڑاکیا۔انہوں نے کہا کہ سیاسی جماعتیں گندہ کھیل نہ کھیلیں بلکہ معیشت کی بہتری کیلئے ساتھ دیں، ٹیکس کلچر کے بغیر ترقی ممکن نہیں۔