لاہور(نیوزڈیسک)قدرت کی مہربانی نے پاکستان کو خسارے سے تقریباًنکال ہی دیا،خام تیل کی گرتی قیمت پاکستانی معیشت کیلئے سود مند ثابت ہونے لگی، کرنٹ اکاﺅنٹ خسارہ ایک ارب 10کروڑ ڈالر سے کم ہوکر40کروڑ ڈالررہ گیا۔ عالمی منڈی میں خام تیل کی گرتی قیمتیں ملکی معیشت کو سب سے زیادہ تقویت دے رہی ہیں۔ رواں مالی سال کے ابتدائی دو ماہ کے دوران کرنٹ اکاﺅنٹ خسارہ ایک ارب10کروڑ ڈالر سے گر کر40کروڑڈالر رہ گیا۔ کرنٹ اکاﺅنٹ خسارے میں نمایاں کمی خام تیل اور پیٹرولیم مصنوعات کی قیمتوں میں کمی کی وجہ سے ممکن ہوئی ہے۔ درآمدی بل سالانہ بنیاد پر21فیصد کمی سے 7ارب 90کروڑ ڈالر ہوگیا ہے۔ ماہرین کے مطابق مستقبل قریب میں بھی آئی ایم ایف قرضوں کی اقساط اورخام تیل کی گرتی قیمتیں، معاشی استحکام میں اہم کردار ادا کریں گی۔

مزید پڑھئے:آصف علی زرداری نے ایک اورمطالبہ کردیا