اسلام آباد(نیوزڈیسک)پاکستان پیپلز پارٹی کے شریک چیئرمین سابق صدر آصف علی زرداری نے سابق وفاقی وزیر ڈاکٹر عاصم حسین کی گرتی ہوئی صحت پر تشویش کا اظہار کرتے ہوئے مطالبہ کیا ہے کہ انھیں علاج معالجے کی مکمل سہولیات فراہم کی جائیں۔منگل کو جاری ہونے والے ایک بیان کے مطابق ڈاکٹر عاصم حسین کو منگل کی صبح رینجرز کی حراست میں دل کا دورہ پڑا ۔ ان پر عسکریت پسندوں سے تعاون کے الزامات ہیں۔بیان کے مطابق ان سے من گھڑت الزامات پر تحقیقات کی جا رہی ہیں جو کہ اختیارات، تحقیقات اور عدلیہ کا ناجائز استعمال ہے۔ سابق صدر نے ڈاکٹر عاصم کی جلد صحتیابی کی دعا بھی کی۔