لندن(نیوز ڈیسک)برطانوی میڈیکل ایسوسی ایشن نے حکومت کو تجویز دی ہے کہ موٹاپے سے نمٹنے کے لیے زیادہ چینی والی مشروبات پر 20 فیصد اضافی ٹیکس لگا دیا جائے۔ برطانیہ میں موٹاپا سالانہ ستر ہزار افراد کی موت کا سبب ہے۔ڈاکٹروں کا کہنا ہے کہ اس ٹیکس سے حاصل ہونے والی رقم سے پھلوں اور سبزیوں پر سبسڈی دی جانی چاہیے تاکہ ایک ایسا ماحول تیار کیا جا سکے جہاں لوگوں کی آخری آپشن ایک صحت مند خوراک ہو۔ ادھر فوڈ اینڈ ڈرنک فڈریشن کی رائے میں اس ٹیکس سے لوگوں کی عادات پر اثر نہیں پڑے گا۔ لیکن ماہرین کے مطابق میکسیکو میں ایسے ہی ٹیکس لگانے کے مثبت اثرات مرتب ہوئے ہیں۔ ماہرین کا کہنا ہے کہ 2030 تک برطانیہ کی 30 فیصد آبادی موٹاپے کا شکار ہوگی۔