جمعرات‬‮ ، 27 فروری‬‮ 2025 

چوکر پر ٹیکس واپس لینے کی یقین دہانی ، فلور ملز کی ملک گیر ہڑتال کا خطرہ ٹل گیا

datetime 12  جولائی  2015
ہمارا واٹس ایپ چینل جوائن کریں

کراچی(نیوزڈیسک )وزیراعلیٰ پنجاب شہباز شریف کی مداخلت اوروفاقی وزیرخزانہ کی جانب سے گندم کے چوکر پرسیلزٹیکس واپس لینے کی بروقت یقین دہانی کے باعث فلورملوں کی ملک گیر ہڑتال کا خطرہ ٹل گیا۔ذرائع نے بتایا کہ پاکستان فلورملز ایسوسی ایشن کی سینٹرل ایگزیکٹو کمیٹی نے رواں ہفتے کے آغاز پر ہی لاہور میں اجلاس طلب کرکے گندم کے چوکر پر5 فیصد سیلزٹیکس کے نفاذ کو مسترد کرتے ہوئے ملک گیر ہڑتال کی دھمکی دے دی تھی کیونکہ فلورملز مالکان کا موقف تھا کہ گندم کے چوکر کے سب سے بڑے خریدار ڈیری انڈسٹری اور گوالے ہیں جو کسی صورت چوکر کی خریداری پر 5 فیصد سیلزٹیکس ادا کرنے کیلئے تیار نہیں ہیں اور وہ 100 فیصد ان رجسٹرڈ ہیں۔ان حالات میں چوکرپرعائد5 فیصد سیلز ٹیکس کا بوجھ فلورملوں پر پڑے گا جو باالآخر عوام کو ہی برداشت کرنا پڑے گا کیونکہ مذکورہ ٹیکس عائد ہونے کی صورت میں فی کلوگرام آٹے کی قیمت میں یکدم 2 روپے کا لامحالہ اضافہ ہونا تھا۔ فلورملز مالکان کا کہنا ہے کہ وہ پہلے ہی بینک ٹرانزیکشنز پر 0.6 فیصد ودہولڈنگ ٹیکس جو اب اگرچہ گھٹ کر 0.3 فیصد کر دیا گیا ہے سے پریشان تھے کیونکہ زمیندار کسی قسم کا ٹیکس ادا کرنے کیلئے تیار نہیں ہیں بلکہ وہ مذکورہ ٹرانزیکشنز پر عائد ٹیکس بھی ملز مالکان کو برداشت کرنے کی ہدایتیں دے رہے ہیں۔پاکستان فلورملز ایسوسی ایشن کے چیئرمین میاں محمود احمد، سابق چیئرمین چوہدری انصرجاوید، چوہدری محمد یوسف ودیگر نے وزیراعلیٰ پنجاب اور وفاقی وزیرخزانہ اسحاق ڈار سے تشکر کا اظہار کرتے ہوئے کہا ہے کہ انکی بروقت مداخلت وکارروائی کے نتیجے میں عام آدمی متاثر ہونے سے بچ گیا جبکہ آٹے کی قیمتوں میں بھی ممکنہ اضافے کا خطرہ ٹل گیا۔ ایک سوال کے جواب میں انہوں نے بتایا کہ گندم کے چوکر پر5 فیصد سیلزٹیکس ختم کرنے کا نوٹیفکیشن آئندہ چند روز میں جاری کردیا جائیگا۔

آج کی سب سے زیادہ پڑھی جانے والی خبریں


کالم



نارمل ملک


حکیم بابر میرے پرانے دوست ہیں‘ میرے ایک بزرگ…

وہ بے چاری بھوک سے مر گئی

آپ اگر اسلام آباد لاہور موٹروے سے چکوال انٹرچینج…

ازبکستان (مجموعی طور پر)

ازبکستان کے لوگ معاشی لحاظ سے غریب ہیں‘ کرنسی…

بخارا کا آدھا چاند

رات بارہ بجے بخارا کے آسمان پر آدھا چاند ٹنکا…

سمرقند

ازبکستان کے پاس اگر کچھ نہ ہوتا تو بھی اس کی شہرت‘…

ایک بار پھر ازبکستان میں

تاشقند سے میرا پہلا تعارف پاکستانی تاریخ کی کتابوں…

بے ایمان لوگ

جورا (Jura) سوئٹزر لینڈ کے 26 کینٹن میں چھوٹا سا کینٹن…

صرف 12 لوگ

عمران خان کے زمانے میں جنرل باجوہ اور وزیراعظم…

ابو پچاس روپے ہیں

’’تم نے ابھی صبح تو ہزار روپے لیے تھے‘ اب دوبارہ…

ہم انسان ہی نہیں ہیں

یہ ایک حیران کن کہانی ہے‘ فرحانہ اکرم اور ہارون…

رانگ ٹرن

رانگ ٹرن کی پہلی فلم 2003ء میں آئی اور اس نے پوری…