اسلام آباد (نیوزڈیسک)ایف بی آر اور ملکی بزنس مینوں کے ساتھ گھنٹےسے جاری مذاکرات وزیر خزانہ اسحاق ڈار نے سات منٹ میں کامیاب بنا دیئے، صبح دس بجے سے سہ پہر پانچ بجے تک 19رکنی کمیتی مختلف تجاویز سفارشات تیار کرتی اعلیٰ مذاکرات ناکامی کی طرف بڑھتے جا رہے تھے کہ وفاقی وزیر خزانہ ریونیو اقتصادی امور شماریات نجکاری سینیٹر اسحاق ڈار اچانک مذاکرات کی میز پر آ کر بیٹھ گئے۔ انہوں نے اپنی دور اندیشی معاملہ فہمی اور تجربے کی بنیاد پر ایف بی آر کے موقف کے ساتھ ساتھ بزنس مینوں کے موقف کو مساویانہ بنیادوں پر قدم بقدم پیچھے کر کے متفقہ فارمولہ پیش کیا۔ جسے ایف بی آر اور بزنس مینوں کے نمائندوں نے اتفاق رائے سے قبول کر لیا۔ 19رکنی مذاکراتی کمیٹی میں شامل بزنس مینوں کے 14نمائندوں میں شامل راولپنڈی چیمبر آف کامرس اینڈ انڈسٹری کے صدر اسد مشہدی نے اس معاہدے کو بزنس کمیونٹی اور ایف بی آر کے مساوی فتح قرار دیااور کہا کہ بزنس مین ہارے نہ حکومت ہاری۔ اسحاق ڈار نے متفقہ فارمولا حکومت اور تاجروں کی یکساں فتح ہے سب سے برھ کر یہ کہ بزنس مینوں کے سات سالہ ٹیکس مسائل حل کرنے کی یقین دہانی سمجھوتے کا حصہ ہے۔