کراچی (این این آئی)پاکستان مسلم لیگ کے مرکزی صدر و سابق وزیراعظم چوہدری شجاعت حسین نے کہا ہے تمام جماعتیں افہام و تفہیم کی سیاست کریں دنگا فساد سے کبھی مسئلے حل نہیں ہوتے شورش کی سیاست کرنیوالے ملک کے خیرخواں نہیں ہیں انتخابات ضرور ہونگے اس میں حصہ لینا

ہر جماعت کا حق ہے ان خیالات کا اظہار انہوں نے اپنی رہائشں گاہ پر مسلم لیگ سندھ کے صدر محمد طارق حسن. جنرل سیکرٹیری کنور ارشد علی خان. صوبائی سیکرٹیری اطلاعات محمد صادق شیخ. کراچی کے صدر محمد جمیل احمد خان. بزنسں فورم کے صدر سید سفیر شاہ اور پاکستان مسلم لیگ کے مرکزی نائب صدر. سینیٹر سابق صوبائی وزیر بوستان علی ہوتی مرحوم کی صاحبزادی بسمہ ہوتی انکے صاحبزادہ محمد میر علی ہوتی کی مسلم لیگ میں شمولیت کے موقع پر کیا چوہدری شجاعت حسین نے کہا کہ پاکستان مسلم لیگ ہر سطح پر منظم و فعال ہورہی ہے انہوں نے کہا کہ مرحوم بوستان علی ہوتی پیدائشی مسلم لیگی تھے ان کا صعوبتوں کے دوران چوہدری ظہور الہی سے کراچی جیل میں ملاقات معمول تھا وہ نڈر . بیباک اور با اصول رہنما تھے اب انکی صاحبزادی بسمہ ہوتی و صاحبزادے کی مسلم لیگ میں شمولیت خوش آئند و قابل فخر ہے۔

موضوعات:چوہدری شجاعت حسین