لاہور(این این آئی)نگران صوبائی وزیر اطلاعات و ثقافت عامر میر نے کہا ہے کہ 8 مارچ کو لاہور میں عورت مارچ کے شرکا کو پولیس کی جانب سے مکمل سیکیورٹی فراہم کی جائے گی اور مارچ میں شریک خواتین کے تحفظ کو یقینی بنایا جائے گا تاکہ کوئی ناخوشگوار واقعہ پیش نہ آئے. عورت مارچ کے منتظمین کی جانب سے مارچ کے شرکاء کو تحفظ دینے کا مطالبہ کیا گیا تھا جس پرنگران صوبائی وزیر نے منتظمین کو یقین دلایا کہ حکومت کی جانب سے عورت مارچ کے حوالے سے کوئی رکاوٹ نہیں ڈالی جائے گی کیونکہ نگران حکومت شخصی آزادیوں پر یقین رکھتی ہے۔