لاہور(نیوزڈیسک) حلقہ این اے 122سے (ن) لیگ کے امیدوار و سابق اسپیکر قومی اسمبلی سردار ایاز صادق نے کہا ہے کہ 11اکتوبر کو عوام ثابت کر دیں گے کہ 2013ءکے انتخابات میں ہماری جیت اصلی تھی ،عوام نے یوٹرن اور دھرنوں کی سیاست کو رد کر دیا ہے ، اگر عمران خان کو پاکستان کا درد ہوتا تو یہ موجودہ حالات میں کبھی بھی دوبارہ دھرنا دینے پر بضد نہ ہوتے ۔ ان خیالات کا اظہار انہوں نے یوسی 87میں انتخابی دفتر کے افتتاح کے موقع پر خطاب کرتے ہوئے کیا ۔ اس موقع پر چوہدری اختر رسول ،حافظ میاں نعمان ، صلاحی الدین پپی اور دیگر بھی موجود تھے۔ سردار ایاز صادق نے کہا کہ ٹربیونل کے جج کا یہ کام نہیں کہ وہ اپنی شان میں قصیدے پڑھے ۔ ہم عدلیہ کا بیحد احترام کرتے ہیں لیکن الیکشن ٹربیونل کے جج نے جو اقدام کیا ہے وہ درست نہیں ۔ ٹربیونل کے فیصلے میں الیکشن کمیشن کی مشینری کو غفلت اور کوتاہیوں کا ذمہ دار ٹھہرایا گیا ہے لیکن کیا کسی ایک بھی افسر کو معطل کیا گیا ۔ الیکشن ٹربیونل کے فیصلے میں کہیں بھی دھاندلی کا ذکر نہیں۔ انہوں نے کہا کہ میں نے عدالت سے حکم امتناعی نہیں لیا کیونکہ مجھے