لاہور(نیوزڈیسک)صوبائی وزیر تعلیم و کھیل رانا مشہود احمد خاں نیب میں ویڈیو کلپ کا کیس جانے کے حوالے سے اپنی قانونی ٹیم کے ساتھ مشاورت شروع کر دی ۔ جبکہ رانا مشہود نے کہا کہ تقریباً 26سال سے سیاست کے میدان میں ہوں جن میں سے 13سال کا عرصہ بطور رکن صوبائی اسمبلی اور 7سال سے زائد کا عرصہ بطورڈپٹی سپیکر پنجاب اسمبلی و صوبائی وزیرکی حیثیت سے شامل ہے ،اس طویل عرصے کے دوران ان کے ماتحت کسی محکمے یا ان کے انتخابی حلقے میں کسی قسم کی کرپشن کے حوالے سے ان پر کوئی الزام نہیں ہے وہ اور ان کا خاندان اعلیٰ اخلاقی روایات اور قانون کی عملداری کا عملی نمونہ ہےں۔رانا مشہود احمد خاں نے کہا کہ مبینہ ویڈیو سکینڈل کے حوالے سے ایک ایسی تفتیش جس میں 2012ءمیں ایف آئی اے کی جوائنٹ انسٹی گیشن ٹیم کے فیصلہ کی روشنی میں ہائی کورٹ اور سپریم کورٹ انہیں بے گناہ قرار دے چکی ہے ۔ اس معاملے کو بار بار اچھال کر ان کی ذات اورکردار پر مذموم حملے کئے جارہے ہیں۔ انہوں نے کہا کہ مبینہ ویڈیو کلپ معاملے میں مدعی نے مجھ پر وکیلوں کے معاملے