کراچی(نیوزڈیسک)کراچی کی ایک احتساب عدالت نے پاکستان پیپلز پارٹی کے رکن صوبائی اسمبلی علی نواز شاہ کو دھوکہ دہی کے ایک کیس میں دس سال کیلئے نااہل قرار دے دیا ہے۔علی نواز شاہ اور ان کے چچا زاد بھائی اور بھتیجے پر پر محکمہ لینڈ ریوینیو کے ریکارڈ میں ذاتی فائدے کے لیے تبدیلی کا الزام تھا جس کا کیس احتساب عدالت میں چل رہا تھا۔احتساب عدالت نے علی نواز شاہ کو بھتیجے سید امتیاز علی شاہ اور کزن سید خادم علی کو لینڈ ریوینیو میں فراڈ کا جرم ثابت ہونے پر دس سال کے لیے نااہل کرتے ہوئے پانچ سال جیل کی سزا بھی سنا دی جب کہ پی پی رکن اسمبلی کے چچا زاد بھائی کو چار جب کہ بھتیجے کو تین سال جیل کی بھی سزا سنائی ہے۔
عدالت نے تینوں کو پانچ، پانچ لاکھ روپے جرمانہ بھی ادا کرنے کا بھی حکم دیا ہے۔علی نواز شاہ کے ترجمان چوہدری محمداشرف نے ایک نجی ٹی وی سے گفتگو کرتے ہوئے بتایا کہ رکن صوبائی اسمبلی کو سیاسی انتقام کا نشانہ بنایا جا رہا ہے کیونکہ یہ فراڈ علی نواز شاہ نے نہیں بلکہ ریوینیو حکام نے کیا تھا۔اشرف کے مطابق وہ اس فیصلے کے خلاف سندھ ہائی کورٹ میں اپیل دائر کریں گے۔یاد رہے کہ علی نواز شاہ پہلی مرتبہ 1977 ء میں رکن سندھ اسمبلی منتخب ہوئے جب کہ 1989 ء میں وہ وفاقی وزیر برائے صنعت بھی رہ چکے ہیں۔