لاہور(نیوزڈیسک) قذافی اسٹیڈیم میں پی ایس ایل کا ایک اور سنگ میل عبور ہو گیا ۔ ماضی کے اسٹار وسیم اکرم اور رمیز راجہ لیڈنگ ٹیم میں شامل کر لیے گئے ۔ بطور سفیر بننے پر خوشی کا اظہار کرتے ہوئے دونوں کا کہنا تھا کہ سپر لیگ سے پاکستان کرکٹ میں انقلاب آئے گا۔ پی سی بی ایگزیکٹیو کمیٹی کے چیئرمین نجم سیٹھی کہتے ہیں کہ پاکستان سپر لیگ میں 7 سے 8 ملکوں سے کھلاڑیوں کی نمائندگی ہو گی۔ پی ایس ایل کا اگلا زور دار چھکا بیس ستمبر کو لگے گا جب لوگو کی رنگا رنگ تقریب میں ستارے چمکیں گے یعنی ایونٹ کو چار چاند لگائیں گے۔