کراچی(مانیٹرنگ، این این آئی)ڈرگ ریگولیٹر اتھارٹی آف پاکستان(ڈریپ)نے ڈیوس فارما کی مشتبہ مصنوعات سے متعلق انتباہی مراسلہ جاری کردیا ہے۔مراسلے کے مطابق ڈیوس فارما کے سیرپ میں ایتھیلین گلائیکول کی مقدارمقررہ حد سے زائد تھی۔ ڈیوس فارما 7 ادویات کے 34 بیچ مارکیٹ سے فوری اٹھائے۔
ڈرگ ریگولیٹری اتھارٹی نے الرٹ جاری کیا ہے کہ ہائی بلڈ پریشر کے مریضوں کے لئے مارکیٹ میں دوا ہائیڈرلازائن 25 ایم جی ٹیبلیٹس بیچ نمبر 257 بھی غیر معیاری ہے، کمپنی کو اسے فوری طور پر مارکیٹ سے اٹھانے کا کہا گیا ہے اور شہریوں کو بھی ہدایت کی گئی ہے کہ مشتبہ ادویات کے 34 بیچز کے استعمال سے گریز کریں۔حکام کی جانب سے ڈیوس فارما کو ملٹی وٹامن سیرپ کے 10 بیچ، زنک سیرپ 17 بیچ، اینٹی الرجک سریپ کا ایک اور امراض معدہ سیرپ کے 3 بیچ اٹھانے کی ہدایت کی گئی ہے۔حکام کے جانب سے ڈیوس فارما کو نزلہ زکام، سیرپ کا ایک بیچ اور کھانسی سیرپ کا بیچ واپس اٹھانے کی ہدایت کی گئی ہے۔ مراسلے میں کہا گیا ہے کہ اعصابی امراض اور کھانسی کے سیرپ بھی مارکیٹ سے اٹھایا جائے۔ڈرگ ریگولیٹر اتھارٹی نے فارمیسی اور کیمسٹ کو بھی مذکورہ مشتبہ سیرپ کیبیچ کمپنی کو واپس بھجونے کی ہدایت کردی گئی ہے۔ پاکستانی ڈیوس فارما نے کھانسی سیرپ گیمبیا کو درآمد کئے تھے۔
