گوجرانوالہ (این این آئی) ٹریفک پولیس اہلکار موٹر سائیکل سواروں کا چالان کرنے کے بجائے پھول بانٹنے لگے۔ذرائع کے مطابق گوجرانوالا پولیس نے ہیلمٹ کے بغیر اور ون وے کی خلاف ورزی کرنے والے موٹر سائیکلسٹ کے خلاف سخت ایکشن لینے کا فیصلہ کیا ہے تاہم اس سے قبل ٹریفک پولیس کی جانب سے ایک آگاہی مہم کا آغاز بھی کیا گیا ہے تاکہ کارروائی سے قبل شہریوں کو آگاہی فراہم کی جاسکے۔چیف ٹریفک پولیس آفیسر عثمان طارق بٹ نے بتایا کہ جو بھی بائیکر آرہا ہے اس کو روک کر گلاب کا پھول پیش کیا جارہا ہے ساتھ ہی ایک فری ہیلمٹ بھی دیا جارہا ہے تاکہ انھیں بتایا جاسکے کہ ہیلمٹ موٹرسائیکلسٹ کی اپنی جان کیلئے کتنا اہم ہے تاہم پولیس کے مطابق اگر اس کے باوجود بھی کوئی شہری خلاف ورزی کرتا ہے تو اس کو جیل بھی جانا پڑسکتا ہے۔