مکوآنہ ( این این آئی ) مہنگائی اور غربت سے تنگ آ کر نوجوان نے سر میں گولی مار کر خودکشی کر لی، پولیس نے نعش پوسٹ مارٹم کیلئے ہسپتال منتقل کر دی۔پولیس ذرائع کے مطابق نشاط آباد کے علاقہ 26 ج ب کا رہائشی علی حسنین ولد سیف الملوک جو کہ پاور لومز پر محنت مزدوری کرتا تھا، کاروبار نہ ہونے کی وجہ سے شدید پریشان تھا، جسکی وجہ سے گھر میں اکثر لڑائی جھگڑا رہنے لگا، گزشتہ روز بھی اس کا والدین سے کسی بات پر جھگڑا ہو گیا تو اس نے خود کو کمرہ میں بند کر کے پہلے زہریلی گولیاں نگل لیں اور پھر اپنے سر میں گولی مار لی، فائر کی آواز سن کر اہل خانہ کمرہ میں پہنچے تو وہ خون میں لت پت پڑا تھا، جسے تشویشناک حالت میں الائیڈ ہسپتال لایا گیا جہاں وہ دوران علاج دم توڑ گیا، پولیس نے نعش تحویل میں لیکر پوسٹ مارٹم کیلئے ہسپتال منتقل کر کے تفتیش شروع کر دی ہے۔