لندن( نیوز ڈیسک ) ماہرین نے متنبہ کیا ہے کہ دنیا میں سانپ کے کاٹے کی سب سے موثر دواؤں میں سے ایک کا سٹاک ختم ہو رہا ہے جس کی وجہ سے ہزاروں جان کو خطرہ لاحق ہو سکتا ہے۔میڈیسن سینس فرنٹیئرز (ایم ایس ایف) کا کہنا ہے کہ دس اقسام کے سانپوں کے کاٹے کے علاج کیلئے استعمال کی جانے والی ’فیو افریق‘ نامی دوا کی جنوبی افریقی ممالک میں شدید کمی ہےاور اس دوا کی آخری خوراک جون 2016 میں ختم ہو جائے گی جبکہ اس کا کوئی متبادل اس وقت موجود نہیں ہے۔اس دوا کو بنانے والی کمپنی سینوفی پیسچر کا کہنا ہے کہ قیمت کی وجہ سے یہ دوا بازار سے ہٹا لی گئی ہے۔اس کا کہنا ہے کہ اس دوا کے متبادل موجود ہیں لیکن ایم ایس ایف کا کہنا ہے کہ ’وہ اتنی مؤثر نہیں ہیں۔‘تنظیم کا کہنا ہے کہ ’فیو افریق‘ ہی زہر کے خلاف واحد تریاق ہے جو موثر اور محفوظ ہے اور پورے جنوبی افریقی ممالک میں دس قسم کے سانپوں کے ڈسے میں استعمال ہوتی ہے۔سینوفی کا کہنا ہے کہ وہ زہر کے خلاف کام کرنے والی اس دوا کا نسخہ