کراچی (نیوز ڈیسک ) رینجرز نے ایم کیو ایم کے رہنما قمر منصور 49 دن بعد رہا کر دیا ، رپورٹ انسداد دہشت گردی عدالت میں پیش کردی ، قمر منصور کو تفتیش کے لئے طلب کرنے پر حاضر ہونے کا پابند کر دیا گیا۔ ایم کیو ایم کے رہنما قمر منصور کو رینجرز نے 22 جولائی کو گرفتار کیا تھا اور انسداد دہشت گردی عدالت سے 90 روز کے لئے اپنی تحویل میں لیا تھا۔ رینجرز کے لا افسر نے عدالت میں رپورٹ جمع کراتے ہوئے عدالت کو بتایا کہ قمر منصور سے ابتدائی تفتیش مکمل کرلی گئی ہے۔ قمر منصور چونکہ بیمار ہیں اس لئے انہیں قبل از وقت رہا کردیا گیا۔ ان کی والدہ متعدد مرتبہ ان سے مل چکی ہیں۔

مزید پڑھئے: ایسے ممالک جہاں دودھ پانی سے بھی سستا ملتا ہے

رینجرز کے لا افسر نے عدالت کو بتایا کہ قمر منصور کو پابند کردیا گیا ہے کہ جب تفتیش کے لئے طلب کیا جائے وہ پیش ہوں۔22 جولائی کو گرفتار ہونے والے قمر منصور کی رینجرز کی 90 روزہ تحویل کی مدت 21 اکتوبر کو ختم ہونی تھی