لندن(نیوز ڈیسک) وائن رونی انگلینڈ کے سب سے زیادہ 50 گول کرنے والے فٹ بالر بن گئے ہیں۔ وائن نے 50 واں گول سوئٹزر لینڈ کیخلاف میچ میں پنالٹی پر کیا۔ وائن رونی نے ہفتے کے دن سان میرینو کیخلاف فٹ بال میچ میں49 واں گول کر کے بوبی چارلٹن کا انچاس گول کرنے کا ریکارڈ برابر کیا اور تین ہی دن بعد پچاس واں گول کر کے پینتالیس سال بعد ایک نیا ریکارڈ بنا ڈالا۔ رونی نے پچاس واں گول یورو 2016 کیلئے کوالیفائنگ میچ میں سوئٹزر لینڈ کیخلاف کیا۔ ویمبلے گراونڈ پر کھیلے گئے میچ میں انگلینڈ نے حریف ٹیم کو دو صفر سے شکست دی۔