برلن(نیوز ڈیسک) ایک زمانہ تھا جب ہاتھ پر بندھی گھڑیوں سے صرف وقت معلوم کیا جاتا تھا لیکن پھر نیا زمانہ آیا اور ایسی اسمارٹ واچز آگئیں جو آپ کی ای میل کا بھی ریکارڈ رکھتی تھیں لیکن اب ٹیکنالوجی نے اتنی ترقی کرلی ہے کہ دستی گھڑی یہ بھی بتاتی ہیں کہ آپ نے ایک دن میں مجموعی طور پر کتنے قدم اٹھائے ہیں اور آپ کے جسم میں پانی کے مقابلے میں کوفین کی کتنی مقدار گئی ہے۔
جرمنی کے دارالحکومت برلن میں الیکٹرانک مصنوعات کے سالانہ عالمی میلے میں کئی موبائل فون کمپنیوں نے ایسی سمارٹ گھڑیاں پیش کی ہیں جو چوکور کے بجائے گول اور بیضوی ہیں، کلائی پر بندھی ہوئی یہ جدید گھڑیاں وقت ہی نہیں بتاتیں بلکہ آپ کی ای میلز کا ریکارڈ رکھنے کے ساتھ ساتھ آپ کو یہ بھی بتاتی ہیں کہ آپ نے ایک دن میں مجموعی طور پر کتنے قدم اٹھائے ہیں اور آپ کے جسم میں پانی کے مقابلے میں کوفین کی کتنی مقدار گئی ہے۔نئے اندازکی اسمارٹ واچزتیارکرنے والی کمپنیوں کا ماننا ہے کہ اس وقت مارکیٹ میں جس پراپیل کی اسمارٹ واچز کا غلبہ ہے لیکن اس کے باوجود نئے فیچرز کی حامل ان کی گھڑیاں بھی عالمی منڈی میں سے اپنے لیے کچھ حصہ نکال ہی لیں گی۔واضح رہے کہ ایک محتاط اندازے کے مطابق اپیل نے رواں سال اب تک پوری دنیا میں 40 لاکھ اسمارٹ واچز فروخت کے لئے پیش کی ہیں۔