لاہور(آن لائن) انسداد دہشت گردی فورس نے خفیہ اذپریشن کرتے ہوئے لاہور سمیت چار اضلاع سے کالعدم تنظیموں کے 9 دہشت گرد وں کو گرفتار کر لیاہے۔دہشت گردوں سے خودکش جیکٹ بنانے کا سامان ، راکٹ چارجر، ہینڈ گرینیڈ اور بھاری اسلحہ برآمدکرلیا گیا۔سی ٹی ڈی حکام کے مطابق خفیہ آپریشن کے دوران گرفتاری گوجرانوالہ ، ڈی جی خان ، بہاولپور ، لاہور سے عمل میں لائی گئی ہیں۔دہشت گرد حساس مقامات پر حملہ کی منصوبہ بندی کر چکے تھے۔دہشت گردوں میں عبدالرحمان ، روید خان ، غلام اللہ ، احمد حسن ، جلیل احمد ، امداد اللہ ، باسط علی ، جنید علی شامل ہیں۔ دہشت گردوں کا تعلق کالعدم تنظیم سے ہے۔حکام کیمطابق دہشت گردوں سے خودکش جیکٹ بنانے کا سامان ، راکٹ چارجر، ہینڈ گرینیڈ اور بھاری اسلحہ برآمد ہوا ہے۔ دہشت گرد حساس اضلاع میں دہشت گردی کا منصوبہ بنارہے تھے۔

موضوعات:بڑی تباہی