لاہور(آئی این پی)مسلم لیگ ن کے رہنما حنیف عباسی نے کہا ہے کہ بلاول بھٹو کی وزارتِ عظمی کی خواہش پر ہمیں کوئی اعتراض نہیں،حنیف عباسی نے لاہور ہائی کورٹ کے باہر میڈیا سے گفتگو کرتے ہوئے کہا کہ استعفے آگئے اور منظور بھی ہوگئے ہیں،انہوں نے کہا کہ عمران خان نے سیاسی غلطی کی ہے اس کا انہیں خمیازہ بھگتنا پڑے گا، گورنر الیکشن کی تاریخ کا اعلان آئین اور قانون کے مطابق کریں گے، آئین و قانون عمران خان کے تابع نہیں ہو سکتا،حنیف عباسی نے کہا کہ پنجاب اور خیبر پختون خوا کے الیکشن میں نواز شریف، شہباز شریف اور مریم نواز لیڈ کریں گی،ان کا کہنا تھا کہ الیکشن میں امیدوار پی ڈی ایم کی طرف سے نہیں بلکہ ہم الگ الگ الیکشن لڑیں گے، مسلم لیگ ن اپنی حیثیت رکھتی ہے اور ہم ان شا اللہ کامیاب ہوں گے۔