اسلام آباد (مانیٹرنگ ڈیسک/این این آئی )اسلام آباد کی مقامی عدالت نے فواد چوہدری کے جسمانی ریمانڈ کی استدعا پر فیصلہ محفوظ کرلیا، ڈیوٹی مجسٹریٹ نوید خان نے دلائل سننے کے بعد فیصلہ محفوظ کیا۔قبل ازیںپاکستان تحریک انصاف کے رہنما فواد چوہدری نے کہا ہے کہ
ان پر تشدد نہیں کیا گیا لیکن رویہ افسوناک تھا۔الیکشن کمیشن ارکان اور ان کے خاندانوں کو دھمکیاں دینے سے متعلق کیس کی سماعت کے موقع پر کمرہ عدالت میں فواد چوہدری نے نجی ٹی وی سے گفتگو کرتے ہوئے کہاکہ میں نہیں جانتا کون تھے جنہوں نے گرفتار کیا، ممکن ہے عمران خان کو بھی گرفتار کیا جائے۔جب فوادچوہدری سے سوال کیا گیا کہ آپ کے دور میں اپوزیشن کو سیاسی انتقام کا نشانہ بنایا گیا، رانا ثناء اللہ مثال ہیں۔فواد چوہدری نے جواب دیتے ہوئے کہاکہ بس کیا کریں یہی تو ہوا لیکن افسوناک ہوا۔انہوں نے کہا کہ میرے بھائی نے میری گرفتاری پر احتجاج کیا تو گرفتار کرکے اس پر تشدد کیا گیا۔۔
