خانیوال(این این آئی)دو وقت روٹی کے لئے ٹھٹھرتی سردی میں آٹے کی لائن میں لگا شخص جان کی بازی ہار گیا۔یہ افسوسناک واقعہ خانیوال کے علاقے سرائے سِدھو میں شریف کریانہ سٹور کے آٹا سٹال پر پیش آیا جس میں نواحی علاقے محسن شاہ کا رہائشی سرفراز ولد اللہ دتہ آٹے کے حصول کے لئے علی الصبح لائن میں لگا ہوا تھا، آٹے کا انتظار اس غریب محنت کش کے لئے جان لیوا ثابت ہوا۔متوفی کو لوڈر رکشہ پر مقامی ہسپتال منتقل کیا گیا جہاں ڈاکٹر نے موت کی تصدیق کر دی ۔انتظامیہ کو واقعہ کا علم ہونے کے باوجود ابھی تک کسی قسم کی کارروائی نہیں کی گئی ۔