کراچی (این این آئی)پاکستان اور نیوزی لینڈ کے درمیان تین میچز کی سیریز کا دوسرا ون ڈے میچ کے دوران پاکستانی کھلاڑی محمد وسیم جونیئر نے باؤنڈری کے قریب سے وکٹ کی طرف تھرو کی جہاں موجود امپائر علیم ڈار گیند سے بچ نہ پائے۔پاکستان کرکٹ بورڈ کی جانب سے جاری ویڈیو میں دیکھا جاسکتا ہے کہ گیند سیدھی علیم ڈار کی ٹانگ پر لگی جس کے بعد انہوں نے ہاتھ میں موجود ٹی شرٹ نیچے پھینک دی اور اپنی ٹانگ کو سہلانے لگے۔اس کے بعد پاکستانی کھلاڑی بھی ان کے گرد جمع ہوئے، اس دوران فاسٹ بولر نسیم شاہ کو علیم ڈار کی ٹانگ کو سہلاتے ہوئے دیکھا گیا۔