کراچی (این این آئی)بلدیاتی انتخابات میں خواجہ سرا امیدوار شہزادی رائے نے کہا ہے کہ ہمارے پاس کراچی کا کچرا ٹھکانے لگانے کا بھی پلان ہے۔خواجہ سرا شہزادی رائے سندھ حکومت کی جانب سے پہلی بار خواجہ سراوں کو بلدیاتی انتخابات میں نمائندگی کا موقع دئیے جانے کے حوالے سے میڈیا سے گفتگو کر رہی تھیں۔انہوںنے کہاکہ سندھ حکومت نے پہلی بار خواجہ سراوں کو بلدیاتی انتخابات میں نمائندگی کا موقع دیا ہے۔خواجہ سرا شہزادی رائے نے کہا کہ میونسپل کارپوریشنز میں خصوصی نشست پر پہلی بار خواجہ سرا کونسل کا حصہ ہوں گے۔انہوںنے کہاکہ کونسل جا کر شہر کا مقدمہ لڑیں گے، ہمارے پاس شہر کا کچرا ٹھکانے لگانے کا بھی پلان ہے۔