کراچی این این آئی) قومی کرکٹ ٹیم کے بیٹر آل رائونڈر سلمان علی آغا نے پیر کے روز کھیلے گئے پہلے ون ڈے میچ میں شاندار کیچ پکڑا تھا۔سلمان علی آغا نے فاسٹ بولر محمد وسیم کی گیند پر نیوزی لینڈ کے بیٹر فن ایلن کا شاندار کیچ پکڑا تھا۔

پاکستان کرکٹ بورڈ نے اس کیچ کو شاندار قرار دیتے ہوئے اس کی ویڈیو اپنے آفیشل ٹوئٹر اکائونٹ پر شیئر کی تھی۔سلمان علی آغا نے بھی پی سی بی کی جانب سے شیئر کی گئی ویڈیو کو اپنے ٹوئٹر اکائونٹ پر شیئر کیا اور شاداب خان کو ٹیگ کر کے سوال کیا کہ کسی کی یاد آئی؟واضح رہے کہ شاداب خان نے آسٹریلوی لیگ بگ بیش میں شاندار کیچ پکڑ کر سب کو حیران کر دیا تھا۔پاکستان کرکٹ ٹیم کے آل رائونڈر شاداب خان کے ناقابل یقین کیچ کی ویڈیو سوشل میڈیا پر خوب وائرل ہوئی تھی۔شاداب خان نے بھی اپنے کیچ کی ویڈیو ٹوئٹر پر شیئر کرتے ہوئے لکھا تھا کہ آخری اوور میں بولنگ کرنے کے تجربے سے لطف اندوز ہوا۔خیال رہے کہ پاکستان نے تین میچوں پر مشتمل سیریز کے پہلے ون ڈے میچ میں نیوزی لینڈ کو 6 وکٹوں سے شکست دی تھی۔