کراچی (این این آئی)انٹر بینک اور اوپن مارکیٹ میں روپے کے مقابلے ڈالر مہنگا ہو گیا ۔فاریکس ایسوسی ایشن آف پاکستان کی رپورٹ کے مطابق منگل کو انٹر بینک میں20پیسے کے اضافے سے ڈالر کی قیمت فروخت 227.80روپے سے بڑھ کر 228روپے ہو گئی اسی طرح اوپن مارکیٹ میں ڈالر40پیسے مہنگا ہو گیا جس سے ڈالر کی قیمت فروخت 236.60روپے سے بڑھ کر237روپے پر جا پہنچی ۔فاریکس رپورٹ کے مطابق یورو کی قدر میں 1روپے کا اضافہ ریکارڈ کیا گیا جس سے یورو کی قیمت فروخت 270روپے سے بڑھ کر271روپے ہو گئی جبکہ برطانوی پونڈ کی قیمت فروخت 307روپے پر برقرار رہی ۔