اسلام آباد (مانیٹرنگ ڈیسک/این این آئی)پاکستان فاسٹ بائولر نسیم شاہ نے نیوزی لینڈ کیخلاف پہلے ون ڈے میں پانچ وکٹیں حاصل کی ہیںلیکن ان سے پہلے یہ اعزاز پاکستانی سابق فاسٹ بائولر وقار یونس کے پاس ہے ۔ نجی ٹی وی ایکسپریس نیوز کے مطابقنیوزی لینڈ کیخلاف نسیم شاہ نے

پانچ کھلاڑیوں کو آؤٹ کرکے منفرد اعزاز اپنے نام کیالیکن پاکستان کیلئے ایک ون ڈے میں سب سے زیادہ وکٹیں لینے کا اعزاز وقار یونس کے پاس ہے ، تاہم وقار یونس اپنے اس ریکارڈ سے انجان ہیں ۔ نیشنل اسٹیڈیم پر نیوزی لینڈ کے خلاف میچ میں پانچ وکٹیں حاصل کرنے والے فاسٹ بولر نسیم شاہ کے حوالے سے گفتگو کے دوران نمائندہ ایکسپریس نے وقار یونس کی توجہ اس جانب مبذول کرائی کہ وہ اس میدان میں پانچ وکٹیں حاصل کرنے والے پہلے بولر ہیں۔سابق پاکستانی گیند باز وقار یونس یہ جان کر حیران رہ گئے اور خوشی کا اظہار کرتے ہوئے کہا کہ یہ ایسا ریکارڈ ہے جسے کوئی بھی نہیں توڑ سکتا۔ دوسری جانب فٹنس مسائل سے دوچار شاہین شاہ آفریدی کی لیجنڈ فاسٹ بولر وقار یونس سے ملاقات ہوئی ہے جس میں شاہین شاہ آفریدی نے بولنگ میں ردھم حاصل کرنے کیلئے وقار یونس سے ٹِپس مانگ لیں۔ کراچی میں پاکستان اور نیوزی لینڈ کے درمیان ہونے والے پہلے ون ڈے میچ کے موقع پر وقار یونس اور شاہین شاہ آفریدی کی مختصر ملاقات ہوئی۔دونوں بائولرز تقریباً 15منٹ تک محو گفتگو رہے۔ ذرائع کے مطابق وقاریونس نے شاہین شاہ آفریدی کو ری رہیب بہتر کرنے کی ٹپس دیں۔قبل ازیں شاہین شاہ آفریدی ری ہیب کے دوران بولنگ کوچ شان ٹیٹ کے ساتھ بولنگ پریکٹس کرتے رہے،

شاہین شاہ آفریدی فل ردھم سے بولنگ کرتے رہے مگر ٹارگٹ اچیو نہیں کرپائے، شاہین آفریدی نے وکٹ پر موجود ٹارگٹ پر بال مارنے کیلئے 22 سے 24 بالز کرائیں۔ری ہیب کے

دوران بولنگ کوچ شان ٹیٹ اسسٹنٹ کوچ عمر رشید کے ہمراہ بولنگ کرتے رہے، شاہین شاہ آفریدی نے میچ سے قبل اسٹیڈیم میں پریکٹس بھی کی۔