نیویارک (نیوز ڈیسک) نیو یارک میں 6 ایس مارکیٹنگ کمپنی نے آئی فون تیار کرنیوالی امریکی کمپنی ایپل سے اپیل کی ہے کہ وہ اپنے نئے آئی فون کو کسی دوسرے نام سے موسوم کرے۔میڈیا رپورٹس کے مطابق 6ایس نے بل بورڈز پر ایک اپیل آویزاں کی ہے جس میں ایپل کمپنی سے مطالبہ کیا گیا ہے کہ وہ اپنے نئے آئی فون کا نام تبدیل کرے۔ایپل کے نئے آئی فون کا نام6 ایس رکھا گیا ہے جو مارکیٹنگ کمپنی کا نام ہے۔ ایپل کارپوریشن نئے آئی فون کی فروخت عنقریب شروع کرنے کا منصوبہ رکھتی ہے۔کمپنی 6 ایس نے اسے آئی فون سات کے نام سے موسوم کرنے کی تجویز دی ہے۔ اپنی سائٹ پر کمپنی نے وضاحت کی کہ وہ رواں صدی کے آغاز سے اپنے نام سے جانی جاتی ہے۔