اسلام آباد(این این آئی)اوگرا کی جانب سے ماہ جنوری2023 کیلئے ایل پی جی کی قیمت میں کمی کا نوٹیفیکیشن جاری کر دیا گیاجس کے مطابق ایل پی جی12روپے فی کلو،گھریلو سلنڈ137روپے اور کمرشل سلنڈرکی قیمت527روپے کمی کی گئی ہے۔ سرکاری پیداواری قیمت میں 9913 روپے فی میٹرک ٹن کمی کی گئی، اب ایل پی جی216روپے فی کلوکی جگہ 204روپے فی کلو،
گھریلو سلنڈر2548روپے کی جگہ 2411روپے اور کمرشل سلنڈر9804 روپے کی جگہ9278روپے،پیداواری قیمت144909کی جگہ134996روپے ملک بھر میں دستیاب ہو گی۔ایل پی جی انڈسٹریز ایسوسی ایشن پاکستان کے چیئرمین عرفان کھوکھرنے کہا کہ ملک بھر میں قدرتی گیس کا بحران شدت اختیار کرگیا ہے۔ ایل پی جی کی ناقص پالیسی اور ٹیکس کی بھرمار نے ایل پی جی صنعت پر منفی اثرات رونما کیے ہیں،JJVL جام شورو جوائنٹ وینچر کی بندش سے حکومت کواربوں روپے کے نقصان کا سامنا اور عوام کو مہنگی گیس خریدنا پڑی، حکومت سے مطالبہ ہے کہ نقصان سے بچنے کیلئے فوری طور پر JJVL چلایا جائے،قدرتی گیس کے شاٹ فال کو پورا کرنے کیلئے ایل پی جی امپورٹ کی جامعہ پالیسی بنائی جائے،ایل پی جی واحدسستا فیول ہے جو کہ قدرتی گیس کی کمی کو پورا کرنے کی صلاحیت رکھتا ہے،ایل پی جی ڈسٹری بیوٹرز اربوں روپے ٹیکس دیتے ہیں۔اس مہنگائی کے دور اور قدرتی گیس کے شاٹ فال کے دوران غریب عوام کو سستی و وافر مقدار میں ایل پی جی فراہم کرنے کیلئے حکومت کو چاہیے کہ ایل پی جی پر لگے بے جا ٹیکسیس کا خاتمہ کیا جائے۔ایل پی جی انڈسٹری کو بھی ایل این جی کی طرح ٹیکس فری کیا جائے تاکہ ملک بھر میں غریب عوام کو سستے داموں ایل پی جی فراہم کی جاسکے۔ملک بھر میں غیر معیاری سلنڈر سرے عام فروخت ہو رہا ہے۔ غیر معیاری سلنڈر سے روز 2 سے 3 معصوم جانوں کا ضیاع ہورہا ہے۔ابھی تک حکومت اس پر قابو نہیں پاسکی۔ہم حکومت سے گزارش کرتے ہیں کہ ان کارخانوں کوباقاعدہ قانون سازی کرکے مکمل طور پر بند کیا جائے اورملک بھر میں غیر معیاری سلنڈر کی خریدوفرخت کو روکا جائے۔ ہم حکومت پاکستان کے ساتھ ہیں۔آٹو گیس کی پالیسی میں نرمی کی جائے،اور اس کو مکمل طور پر لیگل کیا جائے۔ایل پی جی ڈسٹری بیوٹرز سے گزارش ہے اوگرا کی مقررکردہ قیمت پر گیس فروخت کریں ۔
