لاہور(مانیٹرنگ ڈیسک/این این آئی)لوڈشیڈنگ کا آغاز کردیا گیا،2 سے 4 گھنٹے کی لوڈشیڈنگ کا شیڈول جاری کر دیا گیا ۔ تفصیلات کے مطابق لیسکو نے 2 سے 4 گھنٹے کی لوڈشیڈنگ کا شیڈول دیا ہے اور لوڈ شیڈنگ کا فیصلہ کمرشل اور گھریلو فیڈرز پر لاگو ہوگا۔
دوسری جانب سانگلہ ہل شہر بھر میں گیس کی لوڈشیڈنگ کا سلسلہ جاری،چولہے ٹھنڈے پڑ گئے۔شہری سلنڈر،لکڑیاں اور کوئلے پر کھانا پکانے پر پجبور،گھریلو و کاروباری سرگرمیاں مفلوج،شہری و سماجی حلقوں میں تشویش کی لہر،حکام بالا سے نوٹس لینے کا مطالبہ۔تفصیلات کے مطابق موسم سرما کے آغاز کے ساتھ ہی سوئی گیس اور انتظامیہ نے اپنا رنگ دکھانا شروع کر دیا ہے سوئی گیس کی لوڈ شیڈنگ بندش کے بعد گیس پریشر کی کمی نے گھریلوں بلکہکاروباری زندگی کو بھی بری طرح مفلوج کررکھا ہے لوگ گیس،سلنڈر اور لکڑیوں پر گزارا کرنے پر مجبور دکھائی دے رہے ہیں شہر کے مختلف علاقوں میں گیس کی لوڈشیڈنگ،گیس پریشر میں کمی اور بندش پر شہر کے سماجی و عوامی حلقوں نے گہری تشویش کا اظہار کرتے ہوئے کہا کہ شہر و گردونواح میں موسم سرما کی آمد سے قبل ہی سوئی گیس کی بندش نے عوام کی زندگی اجیرن بنا کر رکھ دی ہے،گیس کی بد ترین بندش سے گھروں کے چولہے ٹھنڈے پڑگئے،طالبعلم دفتر اور فیکٹریوں میں جانے والے افراد ناشتہ سے بھی محروم ہو رہے ہیں صبح،شام اور رات کے وقت گیس پریشر انتہائی کم ہوجاتا ہے محکمہ سوئینگیس کی طرف سے موسم کے تبدیل ہوتے ہی لوڈشیڈنگ اپنے عروج پر ہے سخت سردی میں کیابنے گا عوامی احتجاج اور تحریری شکایات کے باوجود سوئی گیس حکام،افسران اور عملے کے کانوں میں جوں تک نہیں رینگ رہی ہے۔شہری عوامی و سماجی حلقوں نے چیف جسٹس آف پاکستان،وزیر اعظم پاکستان،وفاقی وزیر پٹرولیم معدنی وسائل سمیت سوئی سدرن گیس کمپنی کے اعلیٰ حکام سے شہر میں سوئی گیس پریشر میں کمی،لوڈشیڈنگ اور مصنوعی بندش کا نوٹس لے کر شہریوں کو پریشانیوں سے نجات دلانے کا پرزور مطالبہ کیا ہے۔
