اسلام آباد (نیوز ڈیسک)سابق کرکٹر جاوید میانداد نے کہا ہے کہ بھارت میری صرف ایک گیند کی مار ہے اور پاکستان کو بھی کرکٹ سیریز کیلئے بھارت کے پیچھے پھرنے کی ضرورت نہیں۔ایک نجی نیوز چینل کو دیئے گئے انٹرویو میں ان کا کہنا تھا کہ بھارتی کرکٹ صرف پیسے کے بل بوتے پر چل رہی جبکہ وہ ٹیلنٹ کے لحاظ سے پاکستان سے بہت پیچھے ہے۔ انہوں نے زور دیا کہ پاکستان کو چاہئے کہ کرکٹ میں بھارت کا انتظار نہ کرے بلکہ کسی اور ملک سے سیریز طے کرے۔ ان کا کہنا تھا کہ بھارتی حکومت اور کرکٹ بورڈ کا رویہ بھارتی عوام کی ترجمانی نہیں کرتا۔