ممبئی(این این آئی) بھارتی ٹی وی اداکار فیضان انصاری نے میرا دل یہ پکارے گانے پر ڈانس سے وائرل ہونیوالی پاکستانی لڑکی کو شادی کی پیشکش کر دی۔بھارتی میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ ٹی وی اداکار فیضان انصاری پاکستانی وائرل لڑکی سے شادی کی خواہش کا اظہار کرتے ہوئے کہہ رہے ہیں

جلد پاکستان آرہا ہوں اور پاکستانی لڑکی کو یہاں آکر شادی کیلئے راضی کرونگا۔ انہوں نے کہا کہ میرا دل یہ پکارے پر ڈانس کرنیوالی لڑکی میرے خوابوں میں بھی آتی ہے میں اسے حق مہر میں 15لاکھ روپے دوں گا۔بھارتی میڈیا رپورٹس کی مطابق فیضان انصاری نے کہا کہ کوئی بھی طاقت مجھے عائشہ سے شادی کرنے سے روک نہیں سکتی۔ انہوں نے کہا کہ میں نے پاکستان کا ویزا حاصل کرنے کیلئے بھی اپلائی کردیا ہے اور جلد پاکستان آکر وائرل ہونے والی لڑکی سے شادی کرونگا۔ واضح رہے کہ مشہور گانے میرا دل یہ پکارے آجا کے ری مکس ورژن پر منفرد ڈانس کرکے راتوں رات مشہور ہونیوالی ٹک ٹاکر عائشہ نے اب فیشن کی دنیا میں بھی قدم رکھ دیا ہے۔میڈیا رپورٹ کے مطابق مشہور گانے میرا دل یہ پکارے آجا کے ری مکس ورژن پر منفرد ڈانس کر کے راتوں رات مشہور ہونیوالی ٹک ٹاکر عائشہ نے اب فیشن کی دنیا میں بھی قدم رکھ دیا ہے،عائشہ عرف مانو باقاعدہ فیشن ماڈل بن چکی ہیں انہوں نے ایک برائیڈل فوٹو شوٹ بھی کروایا ہے جو کہ سوشل میڈیا صارفین کو کچھ خاص پسند نہیں آیا اور انہوں نے ان کے کپڑوں اور میک اپ پر دل کھول کر تنقید کی۔ عائشہ کی شہرت نے اسے سرحد پار سے بھی کام دلوا دیا ہے، اس کو بھارت کے معروف گلوکار سی جی ڈھلوں کے ساتھ ایک ویڈیو میں کاسٹ کر لیا گیا۔