لاہور(نیوزڈیسک)قومی آف اسپنر سعید اجمل نے ریٹائرمنٹ کی خبروں کی تردید کردی، کہتے ہیں کہ وہ اب بھی ون ڈے اور ٹی ٹوئنٹی کے بہترین باﺅلر ہوں،غیرملکی میڈیا کو انٹرویو میں آف اسپنر کا کہنا تھا کہ ان کی کرکٹ ابھی ختم نہیں ہوئی اور نہ ہی وہ انٹرنیشنل کرکٹ کو خیرباد کہہ رہے ہیں۔پاکستان کو تن تنہا کئی کامیابیاں دلوائی ہیں، عزت سے ریٹائرہونا چاہتا ہوں،ان کا مزید کہنا تھا کہ یاسرشاہ اور ذوالفقاربابر ٹیسٹ کرکٹ میں اچھی پرفارمنس دے رہے ہیں، ان کی باﺅلنگ شراکت کو خراب نہیں کرنا چاہتا، لیکن ون ڈے اور ٹی ٹوئنٹی میں وہ ابھی بھی بہترین باﺅلرزمیں سے ایک ہیں۔
آف اسپنرکا کہنا کہ انہیں نئی باﺅلنگ ایکشن کیساتھ ایڈجسٹ ہونے میں کچھ وقت لگے گا اور ٹیم میں واپسی کیلئے صحیح وقت کا انتظارکرنا ہوگا۔