ممبئی(نیوز ڈیسک) بالی ووڈ کی ورسٹائل ہیروئن ودیا بالن کا کہنا ہے کہ وہ کام کے معاملے میں ایک لالچی اداکارہ ہیں اور اچھے کردار کا کوئی بھی موقع ہاتھ سے نہیں جانے دیتیں۔
بھارتی میڈیا رپورٹس کے مطابق بالی ووڈ اداکارہ ودیا بالن کا کہنا تھا کہ ” ڈرٹی پکچر” اور ” کہانی” جیسی فلموں میں کردار ادا کرنے پر خوشی ہے کیونکہ یہ فلمیں کامیاب خواتین پر بنائی گئی ہیں۔ ان کا کہنا تھا کہ کام کے معاملے میں ایک لالچی اداکارہ ہوں، اور کوئی بھی موقع ہاتھ سے نہیں جانے دیتی۔
ودیا بالن کا کہنا تھا کہ وہ فلم میں اداکاری کے حوالے سے انہیں داد وصول کرنا بھی پسند ہے، بالخصوص خواتین کے موضوع پربنائی جانے والی فلموں میں خصوصی دلچسپی لیتی ہیں۔ انہوں نے کہا کہ ا?ج کا سینیما معاشرے کی عکاسی کررہا ہے جہاں خواتین اپنی مرضی کی زندگی گزاررہی ہیں۔