لندن(نیوز ڈیسک)برطانوی نڑاد پاکستانی کوہ پیما بشریٰ فاروقی عمان کے پہاڑی سلسلوں میں ٹریکنگ کے دوران ساتھیوں کو بچانے کی کوشش میں جاں بحق ہو گئیں۔دبئی میں مقیم برطانوی نڑاد پاکستانی بینکر اور کوہ پیما بشریٰ فاروقی اپنے 11 ساتھیوں کے ہمراہ یو اے ای کی سرحد کے قریب عمان کے پہاڑی سلسلے میں ٹریکنگ مہم پر تھیں کہ انکی ٹیم راستہ سے بھٹک گئی۔انکے پاس پینے کے پانی کی قلت ہو گئی جس پر بشریٰ انسانی مدد اور پانی کی تلاش میں نکلیں تو گروپ سے بچھڑ گئیں۔ عمانی پولیس نے گروپ کے باقی افراد کو تو بچا لیا تاہم بشریٰ کو تلاش نہ کر سکے۔ تاہم اگلے روز بشریٰ کی لاش ایک درخت کے اوپر گری ہوئی پائی گئی۔