لاہور(نیوزڈیسک)پاکستان کرکٹ بورڈ(پی سی بی) نے پاک بھارت سیریز سے متعلق بھارتی کرکٹ بورڈ سے حتمی جواب طلب کر لیا ہے۔بورڈ کے نام ایک خط میں دونوں ممالک کے درمیان کرکٹ سیریز کے انعقاد کا مطالبہ کیا گیا ہے اور کہا گیا ہے کہ بھارت نے پاکستان سے کرکٹ سیریز کے لئے ایک ایم او یو پر دستخط کئے تھے، بھارت کی ذمہ داری ہے کہ وہ اس معاہدہ کی پاسداری کرتے ہوئے سیریز کا اعلان کرے۔پاکستان اور بھارت کے درمیان 8 ستمبر کو کرکٹ سیریز طے ہے لیکن بھارت روائیتی ہٹ دھرمی کا مظاہرہ کرتے ہوئے پاکستان کیساتھ سیریز کھیلنے سے مسلسل انکار کر رہا ہے۔اس چیز کا نوٹس لیتے ہوئے پی سی بی نے بی سی سی آئی کو خط لکھا ہے جس میں کہا گیا ہے بھارت سیاست اور کھیل کو علیحدہ رکھے اور دونوں ملکوں کے درمیان شیڈول سیریز کا ہر صورت میں انعقاد یقینی بنایا جائے۔