کوالالمپور(نیوز ڈیسک) ملائیشیا کے سابق وزیراعظم مہاتیر محمد بھی ملک کے کرپٹ وزیراعظم نجیب عبدالرزاق کیخلاف میدان میں آگئے ۔ انہوں نے کوالالمپور کے سڑکوں پرمارچ کرنیوالے مخالف مظاہرین سے خطاب کیا ہے ۔ جس میں انہیں وزیراعظم نجیب عبدالرزاق کی اقتدار سے بیدخلی تک تحریک جاری رکھنے کی نصیحت کی ۔ انہوں نے کہا کہ نجیب حکومت ختم کرنے کیلئے لوگوں کو عوامی طاقت دکھانی ہوگی ۔ واضح رہے کہ حکومت مخالف مظاہرین کیس نامعلوم ادارے یافرد کی جانب سے وزیراعظم نجیب عبدلرزاق کے ذاتی اکاﺅنٹ میں 70 کروڑ ڈالر جمع کیے جانے کی خبر پر برہم ہیں ۔