ممبئی (نیوز ڈیسک)بالی ووڈ اداکارہ عالیہ بھٹ نے کہا ہے کہ موقع ملنے پر وہ رقص کی استاد بننا چاہیں گی۔بھارتی میڈیا کے مطابق اداکارہ نے اپنے ایک انٹرویو میں کہاکہ اگر انہیں کوئی دوسرا پیش چننے کیلئے کہا جائے تو وہ رقص کی استاد بننا چاہیں گی لیکن سکول کی استاد بننا انہیں منظور نہیں۔ اداکارہ کی نئی فلم ”وہ پڑھے گی وہ اڑے گی“ ہے جس میں وہ سکول کی طالبہ کے کردار میں جلوہ گر ہوں گی، فلم کی دیگر کاسٹ میں مادھوری ڈکشٹ، شمیتا سین، پری نیتی چوپڑا اور کرینہ کپور شامل ہیں۔ فلم کی ہدایات ہالی ووڈ ہدایت کار ر چرڈ ای روبنز دے رہے ہیں، فلم کی پروڈیوسر پریانکا چوپڑا اور فریدا پنٹو ہیں، فلم 29 اگست کو بھارتی ٹی وی چینل سٹار ٹی وی پر دکھائی جائے گی۔