منیلا۔۔۔۔ فلپائن کی سب سے بڑی جیل پر چھاپے کے دوران انکشاف ہوا ہے کہ وہاں قید منشیات کے ان داتا ‘بادشاہوں سی زندگی’ گزارتے ہیں۔وزارت انصاف کے سیکریٹری نے بتایا کہ پیر کو چھاپے کے دوران جیل میں خفیہ لگڑی سیلز میں سٹرپ بارز، سیکس ڈالز ، جکوزی اور اعلی درجہ کی منشیات پائی گئی۔
یہ چھاپہ سلاخوں کے پیچھے سے منشیات کا کاروبار چلائے جانے کی اطلاعات پر مارا گیا تھا۔تربیت یافتہ کتوں کی مدد سے پولیس کمانڈوز نے پیر کی صبح بدنام زمانہ اور پر ہجوم بلی بیڈ جیل پر اچانک چھاپہ مارا۔
سیکریٹری نے بتایا کہ جیل میں 20 ایئر کنڈیشنڈ ‘ویلاز’ سے منشیات کے علاوہ پولیس کو 31000 ڈالرز مالیت کی مقامی کرنسی، سیکس ڈالز اور ایک جکوزی بھی برآمد ہوا۔چھاپہ کے بعد سیکریٹری نے صحافیوں کو بتایا کہ ‘یہ قیدی جیل میں اپنی سزا بھگتنے آئے تھے لیکن وہ یہاں بادشاہوں کی طرح رہنے لگے’۔انہوں نے بتایا کہ قیدیوں کے ساتھ ملی بھگت کرنے والا جیل عملہ کو ‘فوری طور پر معطلی ‘ کا سامنا ہے۔پولیس نے بتایا کہ پیر کو چھاپے کے دوران ایک سیل میں موجود بستر پر سیکس ڈال پڑی ملی جبکہ ملحقہ کمرے کو سٹرپ بار کے طور پر استعما ل کیا جا رہا تھا۔اسی طرح کمرے کیایک حصہ میں فلیٹ ٹی وی سکرین اور موسیقی کے آلات ڈرم سیٹ، گٹار اور کی بورڈز موجود تھے۔