کراچی۔۔۔۔ایٹمی سائنسدان ومحسن پاکستان ڈاکٹرعبدالقدیرخان نے کہا ہے کہ ہمیں پاکستان کو اپنی محبت ہی نہیں عشق کا محور بھی بنانا ہوگا۔مستقبل میں پاکستان کو پھلتا پھولتااورترقی کرتا ہوادیکھ رہاہوں،پاکستانی قوم ہرلحاظ سے ایک برتراوربلندارادہ قوم ہے اورمجھے آج جوعزت حاصل ہوئی وہ پاکستان ہی کی بدولت ہے،نوجوان اعتماد کے ساتھ ا گے بڑھیں اور پوری دنیا میں اپنالوہا منوائیں جن طلبہ وطالبات کو ان کی بہترین کارکردگی کے اعتراف میں طلائی تمغے ملے ہیں وہ مبارک بادکے مستحق ہیں، یادرکھیے کہ وہ افراد دنیا میں اپنامقام حاصل کرتے ہیں جوترقی اورتعلیم کواپنانصب العین بنالیتے ہیں،طلبا کا پہلا کام اپنی تعلیم پر توجہ دیناہے۔نوجوان اپنے دین اورتاریخ کے بارے میں زیادہ سے زیادہ معلومات حاصل کریں، وہ بقائی میڈیکل یونیورسٹی کے جلسہ تقسیم اسناد کے موقع پر خطبہ صدارت دے رہے رتھے، اس موقع پر چانسلر پروفیسر فرید الدین بقائی اور یونیورسٹی کی وائس چانسلر پروفیسر زاہدہ بقائی بھی موجود تھیں،وائس چانسلر پروفیسر زاہدہ بقائی نے کہاکہ ڈاکٹر عبدالقدیرکواس یونیورسٹی سے ایک خاص قرب حاصل ہے۔یونیورسٹی کی جانب سے انھیں ڈاکٹریٹ کی اعزازی سند پیش کی جاچکی ہے اورنجی شعبے کے پہلے کینسراسپتال بقائی انسٹیٹیوٹ آف آنکالوجی کے ریڈی ایشن کے شعبے کاافتتاح ڈاکٹر عبدالقدیر کے ہاتھوں ہوا تھا، یونیورسٹی سے اب تک 6ہزار469 طلبہ و طالبات فارغ التحصیل ہوچکے ہیں،ایم بی بی ایس سال2011 میں ڈاکٹر جویریہ آفتاب نے بیسٹ گریجویٹ آف دی ایئرکے علاوہ 5طلائی تمغے حاصل کیے۔